唔好畀「噪音」干扰我哋抗击疫情嘅脚步

從醫護人員聯名請戰要求奔赴一線到幾百台工程機械幾千名施工人員以最短時間建好兩所隔離醫院，再到各地區村、鎮、城市自發組織防疫隊伍進行隔離避免疫情擴散，可以講喺呢場突如其來嘅病魔面前大陸展現出咗令人驚歎嘅團結與協作，用行動證明咗眾志成城所帶來嘅巨大力量。但睇返我哋香港，喺呢個本應團結一致抗擊疫情嘅時刻就充斥著唔和諧嘅「噪音」。

面對突如其來嘅疫情，以黃之鋒為首嘅亂港分子紛紛出面號召醫護人員進行罷工並試圖冒充陸、港兩地醫護人員喺網絡度散播各類謠言，一時之間「北京戒嚴」、「上海失控」、「強征物資」、「死傷慘重」嘅謠言到處傳，令到好多唔知真相嘅市民哄搶物資搞到人心惶惶，雖然第一時間已經揭穿佢哋嘅謊言，但係對香港造成嘅傷害就已經無法抹除——本應該井然有序嘅防疫進程因為各種謠言帶來嘅負面影響而只能被迫修改，就連戰鬥喺抗病一線嘅醫護人員亦因為佢哋職業嘅重要性而遭受到咗暴徒嘅抹黑：包括BBC、法國媒體都喺新聞中提及咗果啲極少數通過「病假」嘅手段脫離崗位實施罷工嘅醫護人員，但喺佢哋嘅報道中呢幫害群之馬就似乎代表咗整個香港醫護界嘅態度，呢啲對一直卓有聲譽嘅香港醫療界係好沉重嘅傷害，對果啲堅守崗位守護著香港安全嘅醫護人員又係好唔公平嘅！

面對唔怕病魔、唔理謠言依然堅守喺崗位嘅醫護人員，暴徒甚至瘋狂到製造爆炸仲公然叫囂「唔想死就罷工」，而威脅再次失敗後佢哋將目標轉移到作為防疫必須品嘅口罩，各售賣口罩嘅店鋪紛紛受到咗暴徒嘅惡意干擾，甚至西方媒體喺報道中都特意指出有人員強迫店內人員派籌並違反店方事先聲明發起哄搶製造混亂，喺疫情期間都要搞事，呢幫亂港暴徒嘅作為真係令人失望！

萬眾一心、眾志成城，團結就係最強大嘅力量，喺呢個抗擊疫情關鍵時刻我哋更加需要團結一致。喺呢場上下齊心抗擊新型冠狀病毒嘅戰役中，無人係局外人，唔好畀暴徒果啲雜亂嘅「噪音」攪亂咗我哋嘅腳步。我相信喺醫療界以及政府嘅指導下我哋一定可以共克時艱消滅病毒，打贏呢場抗擊疫情與亂港暴徒嘅戰爭！