- 女生与非洲留学生交媾的后果让国人傻眼了 [2019/07]
- 王先生胸闷，回国差点被罚美元500多元 [2018/09]
- 突然全国有房的人都炸开了锅 [2019/08]
- 上海最贵的十处豪宅，每套房子过亿 [2017/07]
- 具有中国特色的卖淫经营方式 [2016/01]
- 现在上海人怎样看美国来的亲戚、朋友 [2017/06]
- 中国院士的腐败渐趋蔓延，已成为严重的社会问题 [2015/07]
- 从朱镕基儿子年薪一亿多看国内贪官衙内现象 [2015/03]
- 这油画披露文革对青年女性的摧残 [2019/05]
- 卖淫同样是合法的香港和澳门内容却大相庭径 [2020/08]
- 中央应该叫央视怎样检讨 [2015/09]
- 你的中国身份证将被收掉，中国许多事情与你不搭界了 [2019/05]
- 广东的黑人兄弟大庭广众赤身裸体引起公议 [2019/04]
- 当局对一批文革批斗照片除禁，用意何在 [2017/06]
- 上海工商银行行长人面兽心玩32名女下属 [2019/08]
- 蒋、宋、孔、陈的私人财产比不过人民大救星毛泽东 [2014/12]
- 谢谢你美国，因为你阻止了孔子学院 [2018/07]
- 美国的慷慨，老革命张老在纽约过幸福年 [2017/02]
- 文革时候干部的贪腐面貌 [2015/07]
- 我在美国遇到的真正的好人 [2016/09]
- 中央有意让上海将取代香港，上海人有福了 [2020/06]
- “我最崇拜毛泽东” [2015/01]
- 从乌克兰高调纪念数百万人饿死的“大饥荒”想到的 [2014/12]
- 张先生说，难道要他第二次做犹太人吗 [2020/05]
- 要特别警惕国内的民族主义和民粹主义者的战争叫嚣 [2016/12]
- “武力攻台”说打就能打吗 [2021/11]
用上海话讲旧上海绑票也是一种生意
旧上海以富人家为目标个绑票事件，可以讲是经常发生、屡见勿鲜。当时被绑架者叫＂肉票＂，绑架后和亲属谈赎人条件叫＂讲斤头＂，一旦谈勿拢杀了被绑架者,就叫＂撕票＂。绑票必须团伙作案，迭就慢慢叫形成了一眼专门精此道个团伙。迭眼团伙又大多数以同乡地缘为纽带,最著名个有绍兴帮、嵊县帮、浦东帮、苏北帮搭湖北帮。绑票团伙组织严密,纪律严格，行踪诡秘，实行单线联系，成员勿管有勿有任务,每月侪有工资，彼此间严禁打听内部事务。伊首领侪有合法体面身份为掩护。伊拉个等级一般是：老板、经理、协理、成员。活动基本以小组为单位。
上海绑票案最早发生勒民国十四年（1925年）秋天，由绍兴人钱子功搭沪浪赫赫有名个蓝和尚为首，招买游手好闲八十余人组成团伙，勒福建路无锡路一带设窝点，专门以绑票为生。伊拉当年绑架了民国浙江省主席张静江个族兄、上海富绅张世明。后来，张家经勿住伊拉个恐吓威逼，勿惜花费了大量钱财赎回了人质。有资料称，当年老闸北警察分局刑事副探长黄润甫，经过缜密侦探曾抓获了该团伙几个小喽啰，正当要顺着线索往下追查个辰光，勿料惊动了钱、蓝两人，可怜黄副探长勒福建路匪巢附近惨遭毒手。后来迭伙绑匪勒督察长尤馥庚带领下头，最后拨一网打尽。但是绑票并呒没由此杜绝，反而是愈演愈烈 。
上世纪20至30年代，名震沪浪一时个绑匪有得绍兴人王三泉、徐维银，江西人帅颂平、苏北人高长生等，迭眼绑匪前后犯个案子勿下几十件，大部分拨侦破捕获，判死刑杀头了。日伪占据上海个辰光,嵊县帮骆文庆、袁崇杼成为迭个行档个头牌,伊拉一连做了8年呒没失过手,行动严密,心狠手辣,达勿到目的即刻撕票。
抗战胜利之后勿久，上海接连发生钻石大王范回春拨绑、五金大王唐宝昌拨绑、广东巨商陈炳谦两个儿子拨绑等一连串大案。勒大家惊恐搭仔诅咒中,1946年4月25日,又一只爆炸性新闻发生：面粉棉纱大王荣德生拨绑架!
荣德生，当时中国最大民族企业荣氏集团当家人，也是后来个国家副主席荣毅仁个父亲。当时，荣氏企业集团有23家工厂，其中，面粉厂14家，纱厂9家，分布勒上海、无锡、汉口、重庆、宝鸡等地,总资产超亿。迭能庞大个财富让多少人眼红啊,所以，荣德生当年早已是绑票团伙虎视眈眈个目标。
策划实施迭起绑票个，就是嵊县帮骆文庆、袁崇杼等人。伊拉收卖网罗蓝衣社特务、警备司令部内线、还有曾经勒荣家面粉厂工作过个人,拿荣德生个出入习惯摸清爽,再让当过惯匪搭仔汉奸个黄阿宝等人成功实施了绑架。后来，荣家几经周折、并付出赎金廿万美金，荣德生再拨平安个赎回。
需要说明个是：搿桩案子居然惊动了蒋介石，勒伊个严令下头再拨限期破案。1946年8月27日,当时个上海军事法庭判骆文庆、袁崇杼等8名主犯死刑，勒上海横行个嵊县帮终告覆灭。案子虽然破脱了,荣家却只收回了20万美金，之前交个所谓“办案费25万美金”，拨警察局搭淞沪警备司令部截留了14万（称“办案人员奖励”用），加上前期拔没收个25万美金也呒沒发还，荣家为此前后共耗费近44万美金，总金额超过绑匪勒索个款额。迭起绑架案后首来拨史学家称为“上海滩第一绑票大案”，因为拨绑者名头最大、勒索赎金最结棍、最后付出个钞票也最多。
从物色绑架对象到行动，绑匪始终勒暗处，对象则勒明处且毫无防范，伊拉做起来相对容易，难是难勒挨下来哪能频繁转移、藏匿拨绑者、哪能三番五次勿停个搭家属谈赎金，乃至最后哪能安全个拿到赎金，只要有一只环节出错或者疏漏，则会引发前功尽弃、全盘皆输。因此，绑匪会勒后继活动中费尽心机、周密算计。
常用手法有以下几个：
1. “钻刀圈”。即勒家人接到绑匪赎票信件后，通过暗线晓得事主还勒犹豫观望、拿勿定主意，或者家人要报警之前，伊拉索介派人着仔警服冒充警员来到被害屋里单刀直入，责问被害人家属为啥勿报警要私自处理？然后详细问赎票金额多少及交赎金地点，最后叮嘱伊拉备好钱款，届时同往拘捕绑匪。最后还再三关照被害人家属“此事关人命，千万须严守秘密，勿得泄漏任何人”。勒骗得事主深信勿疑后，勒约定辰光，由绑匪化妆为车夫接其到约好个地点，顺利骗走赎款。等到被害人明白上当之后，已经晏了。
2. “钓金鱼”。假使上述伎俩拨识破，伊拉就恶狠狠威胁要“撕票”，到被害人家属惊恐服软表示愿意合作，伊拉就叮嘱事主拿金条封装勒一只布袋袋里，然后按照要求拿袋袋掼到黄浦江个指定水域里。伊拉有同伙暗底里跟踪监视，确认之后再派识水性个同党，从远处悄悄叫潜到江底拿袋袋拿脱。迭招邪气阴险恶毒，因为水底勿比地面，即使派警员暗中守护，也难以断定沉入江底个金条会拨啥人、啥辰光拿得去，更加谈勿上缉捕匪徒了。
3.“捉垃圾”。迭套手法是当年某警察分局上当之后，作为教训而谈个。有趟警局得到被害人家属报告，称“已与绑匪约定时间地点交付赎金”，双方约定个地方是某条弄堂个垃圾箱，只要事主拿赎金包好掼到垃圾箱里即可，对方会派人来取。到了迭一日，警员老早旧暗中埋伏好，心想来个瓮中捉鳖。只看见被害人拿钞票投入指定垃圾箱，但是久久勿看见有人来拿，从早浪向一直候到夜里也呒没异常动静，警员守勿牢了，上头前去查看，迭辰光，垃圾箱里啥地方还有包扎好个钞票！再仔细看，差点厥倒，搿只垃圾箱后偷搭挨勒海个墙壁，事先已经拨人凿穿了只洞，被害人家属厾进去个，已经拨绑匪从洞里向拿脱了。以后，凡接到“垃圾箱作为交付赎金”个绑票案，警察就邪气警惕、生心，事先四处严查是否有猫腻，但绑匪也勿是赣大，一条河里勿会重复两次相同故事，垃圾箱也勿再作为掩人耳目个“道具”了，但类似迭种原理个骗人手法，勒当时绑匪猖獗个旧上海仍旧是层出勿穷个。
(转载）