「口罩荒」背後嘅人情冷暖

庚子鼠年，一場大疫席捲全國，隨著疫情嘅持續蔓延，以前不起眼嘅口罩，宜家個個都爭住要。疫情當前所有口罩都急速流向疫情嚴重嘅地區，但就算係咁，個啲受疫情影響嘅地區「口罩荒」情況仲係非常嚴峻。呢個其中，香港由口罩引出嘅一系列問題就好引人注目，唔係話香港缺口罩已經到咗「山窮水盡」嘅地步，祗係喺香港「口罩荒」背後隱藏嘅荒誕現象令人感到心情沉重啫。

從一月開始至今，香港人與內地共同對抗疫情，都面臨嚴峻嘅醫療物資短缺嘅問題，尤其係日日出門都必不可少嘅口罩宜家已經成咗市民嘅生活必需品。更何況喺疫情如此嚴峻嘅形勢下，市面口罩數量已經係非常有限，好多口罩甚至已經被炒至「天價」，呢個令一啲普通市民對於口罩嘅購買顯得「心有餘而力不足」。如此境況下令人感到暖心嘅係喺內地口罩更加緊缺嘅情況下，仲係無償咁向香港援助咗1700萬隻口罩，呢個真係「雪中送炭」。

內地為香港提供嘅部分口罩確實係解咗燃眉之急，但並唔係長久之計，畢竟內地嘅患病人數唔知係香港嘅幾多倍，要想長久供應都係要港人自己穩渠道、諗辦法。其中為解「口罩荒」難題出力最大嘅當屬建制派。翻開尋日嘅大公報，全國政協委員姚志勝捐十萬口罩畀普通市民；工聯會口罩廠房投產，預計將提速日產十萬隻；黃廷方慈善基金會捐逾三百五十萬隻口罩；省級政協聯誼會捐錢之余，仲訂購咗二百萬祗口罩......

對比建制派為解市民難題嘅不遺餘力，香港反對派嘅種種做法卻係醜態百出。點解咁話呢，先唔話反對派有冇為市民派發過口罩，單單如今喺社交媒體上黃之鋒、大狀党、「黃」店派發或出售口罩嘅消息滿天飛卻唔見有乜實際行動就可以睇出反對派其實係「口水多過口罩」！如果話建制派派發口罩係低調、務實、誠心為市民嘅健康著想，咁反對派就係「講嘅比唱嘅好聽」唯恐天下唔知，讓人誤以為宜家香港人使用嘅口罩，都係反對派嘅「恩賜」。

「善欲人見，不是真善」。如此高調嘅反對派當然唔可能一啲動作都冇，但係呢個行動喺我哋睇來仲不如冇。泛暴議員朱凱迪日前喺facebook上傳咗多張「布口罩」作坊照片「領功」，但係稍微有點常識嘅人都知道「布口罩」除咗過濾病毒效果成疑外，缺乏防菌功能物料喺吸收水分後，更有可能淪為細菌病毒溫床。但係朱凱迪卻唔講清楚，故意畀人「布口罩」可以完全取代外科手術口罩嘅印象，令市民本就處於危險嘅環境雪上加霜。有一啲反對派確實實行咗向市民派發口罩嘅舉動，但領取口罩嘅卻係有要求嘅，等候者必須大嗌「仇警」及「港獨」口號，先至可以領到口罩，呢個擺明就係借疫情進行「播獨」大業！其實反對派根本冇將市民嘅健康記喺心上，祗係利用疫情進行炒作、美化佢哋早已千瘡百孔嘅破爛形象以及達到禍亂香港嘅目的。

透過薄薄嘅口罩，讓港人見識咗何謂世態炎涼，也都睇到邊個先至係香港嘅真正靠山。相信唔洗幾耐，個啲藉口罩搞政治、搞分化嘅宵小之徒就會被掃入歷史嘅垃圾堆裡面！