12月8日,蘋果新聞刊載《終院高院門外遭縱火 目擊者質疑有人扮示威者擲汽油彈》。呢份文章意圖在於旁引大眾視線、為黑衣暴徒推卸責任而嫁禍畀無辜嘅人。但係,畫虎不成終類犬,綜合之前嘅事,仲係可以肯定縱火係黑衣暴徒做嘅。
蘋果新聞講,香港高院、終審法院遭遇縱火,係假扮嘅黑衣人投擲汽油彈所致。大家都知,汽油彈係黑衣暴徒專用武器,掟汽油彈對抗法治係黑衣暴徒慣常嘅手法,鐵案如山、不容置喙。況且,黑衣暴徒盤踞香港理工大學直至硝煙散盡,仲有4300幾枚汽油彈被港警搜出。因此,喺無強有力證據指向愛港愛國人士嘅前提下,蘋果新聞確係喺度禍水旁引、偏幫緊暴徒。但係,黑衣暴徒斑斑劣跡罄竹難書,想喺呢個時候徹底洗白,好難囖。
黑衣暴徒喺理工大事件之後,風塵未歇,琴日又假借「國際人權日」做藉口,再度大規模滋擾生事,並以縱火香港高等法院、終審法院為高潮「亮點」。蘋果新聞急就章、出面為後者擦屁股,就係寫呢份文章嘅原因。但係世事難料嘅係,一啲香港法官對於黑衣人嘅態度已慢慢有咗變化。11月28日,高院原訟庭頒判詞指出,香港警方對理大嘅進出管制係喺法理依據下進行嘅執法,同時嚴詞拒絕受理公民黨嘅郭卓堅提出嘅復核申請。睇嚟,縱暴派洩憤縱火亦喺情理之中。
縱火案發地點之一係高院連接太古廣場嘅天橋。有目擊者「李小姐」「質疑一般示威者唔會出現喺嗰個位置,唔排除有人扮示威者掟汽油彈」。而根據一般香港市民嘅慣性思維,自反修例以嚟,天橋一帶正係黑衣暴徒慣常聚集位置。而且,目擊者李小姐語氣亦唔堅決、一口咬定縱火行為另有其人,只係「唔排除」另有其人作案,更加冇指係愛國愛港人士做嘅,呢種表態仲算中規中矩。蘋果新聞神經質嘅反應難免會令人產生諸多聯想。
除咗咁,民陣嘅陳皓桓亦講縱火「根本唔知係咩人做嘅」,似乎有攬責於身嘅意味,呢個做法真係喺度打緊蘋果新聞嘅嘴巴。所以,蘋果新聞罔顧事實而一味偏袒嘅邏輯混亂,已經係全盤皆輸。希望媒體人要以蘋果新聞做教訓,免得剩返個大笑話。