暴徒密謀聖誕夜 恐怖主義特征逐步顯露

聖誕節將到，對於香港嘅市民嚟講今年嘅聖誕鐘聲係唔係仲似往年一樣咁熱鬧？一樣嘅喜悅歡樂？

暴亂持續到宜家，香港嘅經濟大幅度下滑，連平時最熱鬧嘅街市亦顯得十分淒涼冷清，暴亂到宜家為止最受影響嘅仲係普通商戶，暴徒打砸燒商鋪，已經造成咗唔少嘅損失，有啲商戶售賣嘅貨物需要新鮮度，但係客流量減少，佢哋迫不得已只好將平時最為熱銷嘅貨物，減少入貨量嚟降低損失。試問，喺唔停嘅暴動下，商戶仲可以堅持幾耐？

就喺本月20號大埔翠屏商場發生開槍案，警方探員根據線索截停咗涉案男子，但地上有彈殼，好似開過槍，警員隨後押解疑犯到一單位搜查，查獲一支AR-15長距離步槍及一支P80半自動手槍，另有子彈三百發。AR-15係美國嚴重槍擊案中凶徒經常使用嘅槍械，搭載撞火槍托後，可由半自動式改裝成連發子彈嘅自動式。而呢個男子仲喺舊年年底涉及藏槍案，因違反法庭保釋條件而被通緝。又係企圖殺警嘅所謂「屠龍小隊」成員，與警方早前破獲嘅炸彈案嫌犯屬於同一集團。咁好明顯係有組織有預謀嘅一次恐怖行動，試圖擾亂香港秩序，亦或者係為咗嫁禍畀警方，挑起事端，用心險惡。暴徒所制造嘅恐怖事件頻頻發生，咁下一次邊個可以保證唔會畀佢牽連受害？下一個子彈又會打喺邊個嘅身上？

幾個月以嚟，暴徒嘅手段極其殘忍，無所不用為達目的傷害無辜群眾，佢哋背後嘅真正目的令人細思極恐。即將到嚟嘅聖誕節，又係令人提心吊膽嘅日子，唔排除有人企圖利用人群集會制造驚天血案，殺警或無差別咁殺害香港市民，試問，喺咁樣嘅恐怖氛圍中，邊個仲敢出門上街歡慶聖誕，只可以盡量留喺屋企。目前有多間商鋪唔用玻璃門改用鋼門，防止畀暴徒打砸破壞。亦正係基於安全風險嘅評估，特區政府取消咗新年嘅煙花匯演，教會宣布提前舉行聖誕彌撒活動，旅發局亦唔再舉辦農曆大年初一嘅花車巡遊活動，節日氣氛差咗好多。

持續不斷嘅黑色暴亂，將香港淪為暴亂之城，曾經被譽為最安全嘅城市之一，宜家市民人心惶惶，亦改變咗香港喺人哋眼中嘅印象，慢慢咁唔再認同香港、接受香港、又或者會排斥香港，呢一切都係邊個造成嘅？好多大好青年都淪為人哋政治鬥爭嘅炮灰，背後嘅陰謀顯而易見，但佢哋仲冇覺醒，好似「毒癮少年」一樣沉迷其中，無法自拔，更有一啲社會毒瘤趁著香港暴亂，煽風點火，渾水摸魚，意圖自謀所得。近期因暴徒引發嘅暴亂導致警方人手唔夠調派，香港治安急劇惡化，市民嘅財產安全受到嚴重影響，二手表行、金行搶劫案頻發，劫匪更係黑衣包頭蒙面，同暴徒裝扮一模一樣，就算唔係暴徒作亂，咁亦係因暴徒而導致嘅，有因就有果，如果唔係暴徒暴亂，劫匪可以得逞嗎！

係當初嘅訴求變咗，定係你哋嘅心變咗，亦或者都變咗，自己唔再係自己喇，只係供人哋指使嘅工具，又或者係人哋手中嘅一把「刀」，一步一步把自己嘅家園毀壞成咁樣，睇到咁樣嘅香港暴徒，你哋捫心自問，唔通心入邊唔會有些少難過、唔會傷心？假如係想香港好就早日回歸正途喇，還香港一片安寧！