從「患者」到「醫者」 學識「身份轉換」才能重新出發

古人雲「久病成醫」，喺中國上下齊心嘅努力之下，國內嘅疫情已逐漸好轉。中國仿佛由一位「患者」逐漸變成為一位「醫者」，開始進行自我醫治，戰勝疫情指日可待。而這句話，亦同樣適用自舊年以嚟仲未脫離「黑暴」陰影嘅香港。部分黑暴分子絲毫未顧及香港嘅「抗疫」大局，非法集會、堵路縱火、襲警、惡意破壞醫療設施、阻撓防疫工作等暴行屢屢出現。就好似一位「病患」喺黑暴嘅陰霾中唔願意轉變角色，依然自甘墮落，咁樣嘅做法又點可以令傷痕頗深嘅香港重新出發呢？

上周，黎智英、楊森等資深「亂港」分子因涉嫌參與舊年「8·13」非法遊行被捕，泛暴派狗急跳牆，借機會瘋狂反撲，旺角等多地再次上演暴徒縱火、堵路等場景。與此同時，其背後嘅外國反華勢力都急到紮紮跳，心急如焚咁為佢哋出頭申辯。然而，黎智英等人嘅亂港行為「有目共睹」。佢哋作為「亂港四人幫」之首，明目張膽咁利用境外反華勢力提供嘅資金收買「政客」、雇傭暴徒，同亂港分子同流合污。如今落網，係民心所向、罪有應得。泛暴派仲深陷其中唔願意甦醒，豈不是唔肯正視「頑疾」所在嗎？

反觀香港市民，喺得知以黎智英為首嘅「亂港」分子被拘捕一事後，紛紛走上街頭慶祝。好多香港市民喺黎智英嘅住所外，手持「漢奸走狗黎智英，禍亂香港罪不輕」、「刑事恐嚇、繩之於法」、「非法集會  藐視法紀」等橫幅，表達對佢落網一事一邊倒嘅支持之聲。咁都說明咗一個樸素嘅道理，「市民大眾嘅眼睛係雪亮嘅」！現時疫情嘅威脅仲未完全解除，香港嘅局勢依舊未恢復昔日嘅穩定，但對於香港嚟講，最可怕嘅唔係疫情而係動盪嘅社會。或者對於黎智英之流嚟講，越亂對佢哋先越有利。所以佢哋先不思悔改，依然「唯恐天下不亂」，成為香港社會穩定嘅最大隱患，我哋千祈唔可以掉以輕心。

自反修例開始，香港已「病」得太耐，單單倚靠政府去打壓呢啲黑暴份子，力量係薄弱嘅，祇有凝結所有愛港人士嘅力量，方能最終將呢啲「叛國亂港」分子清理乾淨。但值得慶倖嘅係，香港嘅「醫者」經已變得越嚟越多，越嚟越多嘅市民睇清病因，已經開始做積極嘅努力，呢啲「叛國亂港」嘅「病毒」亦必將被逐一消滅，受到法律嘅嚴懲！