宜家,抗疫工作係香港嘅當務之急。應該講,當前嘅疫情仍然唔可以鬆懈,衛生署8月25日通報,香港新增19宗新冠肺炎確診個案,累積個案增至4710宗。最引起我哋關注嘅係一名兒童喺進入兒童醫院後測試為陽性,隨後發現哩名兒童同佢媽咪都攜帶抗體,係無症狀患者,疑似喺社區感染。
喺哩種情況下,馬上將要開始嘅全民檢測無疑係對症下藥,將有效消滅潛在嘅社會傳染風險。可以講,宜家香港各界最關心嘅就係疫情,而最快控制住疫情更加係全體香港市民嘅共同心願。好似九龍東慈雲山社區嘅小巴士,25日就發起咗「小巴消毒抗菌」社會抗疫活動,並呼籲政府可以加強社會抗疫並照顧小巴業界。哩個就係最普通香港市民嘅呼聲,疫情影響下最受影響嘅正係普通市民嘅衣食住行。
應該講,為咗有效控制疫情,全民檢測已經係全港嘅共識。可笑嘅係,之前嘅攬炒派人士博命喺全民檢測上做文章,一味詆毀全民檢測,抹黑內地醫護人士,而最後佢哋又開出乜嘢藥方哩?最後佢哋宣佈要做民間檢測,揾唔知名嘅公司,收一位350元嘅費用,難怪畀市民嘲笑係「唔畀社區普及檢測原來係爭生意!」
事到宜家,可以講哩一小部分人已經一敗塗地,就連面對審判壓力嘅肥黎都坦言,一旦「攬炒」,香港就會「玩完」。可惜,就算肥黎真係怕到內地審訊「都腳軟」,宣佈要「打倒昨日的我」恐怕亦難逃法律嘅制裁。連日來,每次肥黎提審,都有愛國市民打著懲治賣國賊嘅橫幅,宜家香港嘅人心可見一斑。
隨著肥黎等亂港分子喺國安法面前潰不成軍,宜家香港社會已經團結起來,喺抗擊疫情面前可以講冇乜嘢比團結一心更加重要。而哩樣緊張嘅時刻,港府和祖國亦企喺香港市民哩一邊,成為抗擊疫情最有力嘅保障。
喺經濟方面,特區行政長官林鄭月娥18日就宣佈,為應對疫情對本港經濟和市民就業造成嘅影響,特區政府將啟動第三輪防疫抗疫基金和第二期「保就業」計劃,扶助業界及從業者。而發展局局長黃偉綸21日亦表示,喺內地支援香港抗疫嘅三個項目中,興建臨時醫院和增設社區治療設施項目將由深圳市政府落實,興建費用全由內地承擔,竣工後交由醫管局營運。喺技術方面,內地核酸檢測支援隊隊長余德文亦表示,將會與內地在港嘅3間檢測機構合作,目標係將檢測量大幅提升至每日近20萬。
可以講,雖然宜家香港嘅抗疫形勢仍係比較緊張,但喺內地和特區政府嘅共同努力下,無論係人力,物力,財力,香港都已經係萬事俱備。只待全民檢測啟動,一定可以喺短時間內控制住疫情,還香港一個朗朗乾坤。而對疫情嘅勝利,同樣亦係廣大香港愛國市民嘅勝利。國安法落地後,幾年來困擾香港社會嘅動盪亦一定會隨著疫情嘅消滅而終結。
風雨過後終見彩虹。我哋相信,疫情亦好,動盪亦好,香港歷史克服咗許多困難,一步步發展行到今日,而宜家亦一定可以取得勝利。只要廣大香港市民團結喺一齊,發揮愛港愛國愛拼搏嘅傳統,香港嘅明天一定會更好。